تەڵاقی سیاسی و مارەبەجاش

لەلایەن ستاندار Posted on 374 جار بینراوە

ڕەشاد گەڵاڵی

مرۆڤ کاتێك بیروهۆشی سست دەبێت و لەگەشەو نەش و نمادەوەستێت یاخود وەك پێویست نەخەمڵیوە بۆ هەمیشە وەك هەرزەکار هەڵسوکەوت لەگەڵ دەوروبەردەکات و ووشەی تەڵاق میوانی هەمیشەیی دەبێت لەسەر زارو زووبانی بەئەنجامدانی یەك هەڵە گلۆرەی خێزان بەرەو لێژی وهەڵوەشانەوەدەبات و ئازارو زامەکانی ئەم هەڵە کوشندەیە بۆ چەندین ساڵ لەنێو دوو خانەوادە دەمێنێتەوەو بەسانایی لەبیرو زهنی مرۆڤی ژیر جێگیر دەبێت بەسانایی لێی دەرناکەوێت ،

کاریگەری ئەم بکەرە لەکاتێك زیاتر دەبێت کەهەردوو ڕەگەز یەکتریان خۆش بوێت و نەتوانن دەستبەرداری یەکتر بن و تەڵاقیش ئاراستەی خۆی گرتووەو بەهەوڵی هیچ زاناو مامۆستایە کی ئاینی چاك ناکرێتەوەو ناتوانرێت بگەڕێندرێتەوە هەمان دۆخی پێشوو ،

لەنێو گەلانی دواکەوتوو بەدرێژایی مێژوو لەسەرئاستی هەردوو کێشوەرەکانی ئاسیا ، ئەفریکا بەتایبەتیش خەلیج و تەواوی وڵاتانی بەناو ئیسلام گەرایی کارێکی قێزەون بەدی دەکرێت کە ئەنجامی نێگەتیڤ و لێکەوتەی خراپی بەدوای خۆیدا دەهێنێ لەنێو کۆمەڵگا جیاوازەکان ئەمیش هەردوو ووشەی تەڵاق و مارەبەجاش ن لەسەر هەردوو ئاستی سیاسی و کۆمەڵایەتیدا ،

بەپێی هەندێ سەرچاوەی بەردەست ئەم شێوازو کاردانەوەیە بۆ تێك شکاندنی ڕەگەزی نێرینەیە بۆ ئەوەی جارێکیتر زاتی ئەوە نەکات و دەستبەرداری هەڵچوونە بێ بنەماو بێ ئەرزشەکەی بێت یاخود کەمێ خاوی بکاتەوە کەئەم هەڵچوونە هۆکارگەلێکن بەئاڕاستەی زیان گەیاندن بەکەسایەتی هەردوو ڕەگەزی نێرو مێ و خانەوادە بەڕێزەکانیان لەنێو جەماوەردا ،

هۆشیاری و ڕەوشەنبیری تاك ، توڕ هەڵدانی کلتوری نامۆ لەنێو کۆمەڵگا ، دەبێت لەدەست پێك و یەکەم هەنگاو بێت بەئاڕاستەی ڕاماڵین و بنەبڕکردنی پاش ماوەی کلتورێکی نامۆی سیاسی ، کۆمەڵایەتی کەجگە لەزیان هیچ سوودو خزمەتێك بەداهاتووی خێزان و ئارامی و ئاسوودەیی و ئاشتەوایی کۆمەڵگەو گەل و نیشتمان ناگەیەنێت ،

ڕۆژگار، زەمەن ، شکست ، ڕووداوەتاڵەکان چوار وشەی جوانن ، فێریان کردین لەچوارچێوەو بواری کارکردنماندا لەنێو جەماوەر ئەم پەیڤە جوانانە بکەینە تاقیکردنەوەیەکی یەکجار گرنگ کەتیایدا مرۆڤی بەئاگاو هۆشمەند دەتوانێت ڕۆڵ بگێڕێت لەسەر هەردوو ئاستی سیاسی ، کۆمەڵایەتی و بەهێزکردنی پێگەکانی بەپێی خوێندنەوەیەکی تەندروست لەسەرپێشهات و ڕووداوەچارەنوسسازە نیشتمانی و نەتەوەییەکان کەتیایدا دەسەبەری سەقامگیری سیاسی ، ئابوری ، کۆمەڵایەتی، ئاسایش بکات لەنێوکۆمەڵگادا ،

بەدەرلەهەڵبژاردنی ئەم خوێندنەوە دروستەی کەلەسەروو ئاماژەمان پێداوە ئاراستەیەکی تر بەدوای خۆیدا پەلکێش دەکات ئەمیش هەریەکە لەهەڵبژاردەی شکست ، پاشەکشە ، دۆڕان ، تەڵاقی سیاسی ومارەبەجاش لەخۆ دەگرێت کەئەوە کۆتای شکست و چۆڵکردنی گۆڕەپانی سیاسی بەدوای خۆیدا ئەهێنێ و وزەی هەڵسانەوە تیایدا بەدی ناکرێت ، بۆیە دەڵێم خوێندنەوەی تەندروست لەسەرکۆی پێشهاتەچاوەڕوان نەکراوەکان مانەوەیە لەبەرەی گەل و کەم کردنەوەی ئێش و ئازارەکان و پاراستنی شەرەف و کەرامەت وبەهاو پیرۆزییە جوانەکانی جەماوەرە ،

لەکۆتا دەڵێم ڕیش سپی کوردان دەمێکە فەرموویانە کات وەك تیغ وایە نەی بڕی دەتبڕێ و دوای زیاترلە پێنج مانگ و نیو لەبوونی لاساری و هەڵچوون و تۆپ باران کردنی مخموورو ڕێگەگرتن لەجەماوەرو ناشیرین کردنی یەکێتی و جەماوەر لەمانەوەیان لەنێو شارو تەڵاقدانی سیاسی لەلای بەڕێزتانەوە ئێستا نۆرەی مارەبەجاش کردنەوەیە بۆیە هاتووم و دەڵێم هەیاران هەروەك و جاران ، لەپاش ١٦٩ هەوڵ وخەبات هاتینەوە لات پوورە فات بەڵام چۆن هاتنەوەیەك .

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.