ستاندەر
ئێواره‌ی ئه‌مڕۆ یه‌كشه‌ممه ئه‌نجومه‌نی باڵای جوڵانه‌وه‌ی نه‌وه‌ی نوێ كۆبووه‌وه، له‌پاش كۆبوونه‌وه‌كه‌ش له‌به‌یاننامه‌یه‌كدا جوڵانه‌وه‌كه ڕایگه‌یاند، ” هەوڵی ناشیرین و ترسنۆکانەی یەکێتی بۆ ده‌ستگیركردن نامانترسێنێت و بەڵکو لەسەر باوەڕەکانمان بۆ کۆتاییهێنان بەم سیستمە ستەمکارە سوورترمان دەکات”.
له‌به‌یاننامه‌كه‌دا ئه‌وه‌شخراوه‌ته‌ڕوو، ” جارێکی تر دووپاتی دەکەینەوە، ئێمە هۆشیاریی تەواومان بەم موئامەرە موخابەڕاتییە هەیە کە دژ بەنەوەی نوێ دەگوزرێت و سەرجەم ئەوانەی دەستیان لەگەڵ دەسەڵات و موئامەرەکانیدا تێکەڵ کردووە و بە پلان و پیلان ویستوویانە نەوەی نوێ و ڕۆحی بەرەنگاریی لەناوبەرن، دوای یەکلابوونەوە و جیاکردنەوەی خەڵکە دلسۆزەکەی نەوەی نوێ کە تیبینییان هەیە، لە جاسوس و خۆفرۆشەکان، ئەوا بەپێی پەیڕەوی ناوخۆی جوڵانەوەکە خۆفرۆشان سزای خۆیان وەردەگرن و دەردەکرێن، ئەمە جگە لەوەی دڵنیاشین لەلایەن هاونیشتیمانیان و ئەو خەڵکە بێ ژیان و بێ گیرفانەی دەنگیان پێداون، سزای مۆڕاڵیی دەدرێن”.