ستاندەر
چەند رۆژێك لەمەوبەر لەرێورەسمێكدا دكتۆر بەشیر حەداد جێگری سەرۆكی پەرلەمانی عیراق ، تەوقەی لەگەڵ هەریەك لە ڤاڵا فەرید سەرۆكی پەرلەمانی كوردستان و مونا قەهوەچی سكرتێری پەرلەمان كرد و دوای بڵاوبونەوەی وێنەكانیش لەتۆڕە كۆمەڵایەتیەكان قسەوتوانجی زۆری هێنایە بەرباس،دكتۆر بەشیر خەلیل حەداد جێگری سەرۆكی پەرلەمانی عیراقڕایگەیاند” لەراستیدا هیچ دەقێكی قورئانی نییە كە تەوقەكردن لەگەڵ ئافرەت حەرام بكات ، ئەو فەرمودانەش كەهەیە زانایانی ئەزهەر لەسەر ئەوە كۆكن ، كەفەرمودەكان لاوازن و ( صحیح) و بەهێز نیین”.جێگری سەرۆكی پەرلەمانی عیراق وتیشی” من خۆم مامۆستایەكی ئاینیم و باش شتەكان دەزانم، شتێك حەرام بێت نایكەم، بەڵام بەحكومی پۆستەكەم لەرێوڕەسمەكان ئافرەتان و خانمان دەستیان دێنن بۆتەوقەكردن منیش بەپشت بەستن بەفەتوای مامۆستایانی ئاینی دەستم ناكێشمەوە، چونكە شكانەوەی ئافرەتێك گوناهترە لەگوناهی تەوقەكردن”.دكتۆر بەشیر ئاماژەی بەوەشكرد” دكتۆر یوسف قەرزاوی زانای ئەزهەر و دكتۆر عەلی قەرداغی و چەند زانایەكی تری ئاینیش دەڵێن، تۆ دەست پێشخەر مەبەلەدەست بردن بۆتەوقەكردن لەگەڵ ئافرەت، بەڵام كاتێكیش ئافرەتێك دەستی هێنا مەیگێڕەوە ، بابەسەر خۆی نەشكێتەوە”.
سەرچاوە:مەودا