کۆریای باکوور دوو مووشەکی مەودا کورتی ئاراستەی یابان و کۆریای باشوور کرد

لەلایەن ستاندار Posted on 802 جار بینراوە 0 سەرنج
سدسدگڤدگ

ستاندەر

سەرلە بەیانی ئەمڕۆ کۆریای باکوور دوو مووشەکی کورت مەودای ئاراستەی کۆریای باشوور و یابان کرد و لە دەریای یابان (دەریای رۆژهەڵات) تێکشکا.

بەرپرسانی سەربازی کۆریای باشوور  ڕایانگەیاند “ئەمڕۆ کاتژمێر ٥:٣٤ خولەکی بەیانی کۆریای باکوور، دوو مووشەکی کورت مەودای ئاراستەی کۆریای باشوور و یابان کرد، بەڵام مووشەکەکان لە دەریای یابان (دەریای ڕۆژهەڵات) تێکشکان”.

هەروەها بەرپرسانی سەربازی کۆریای باشوور رایانگەیاند “مووشەکەکان لە نزیک شاری ئۆنسان(شارێکی کەناراوی کۆریای باکوورە)ی ڕۆژهەڵات و  لە دووری ٤٣٠ کیلۆمەتر ئاراستەکراون”.

هۆکاری هاوێشتنی ئەم دوو مووشەکە لەلایەن کۆریای باکوورەوە، دەگەڕێتەوە بۆ ئەو مانۆر و راهێنانە سەربازییە هاوبەشانەی کۆریای باشوور و وڵاتە یەکگرتووەکانی ئەمریکا لە مانگی ڕابردوودا ئەنجامیان دەدا، کە سەرۆکی کۆریای باکوور لە کۆتا کۆبوونەوەی لەگەڵ سەرۆکی ئەمریکا داوای ڕاگرتنی کردبوو.

ئەمە لە کاتێکدایە سەرۆکی هەردوو وڵاتی کۆریای باکوور و ئەمریکا لەم ساڵدا چەند جارێک کۆبوونەتەوە بۆ کۆتاییهێنان بە کێشە نێودەوڵەتییەکانی کۆریای باکوور، کە تایبەت بوون بە سنووردارکردنی چەکی ئەتۆم لەلایەن کۆریای باکوورەوە.

ب.ئ

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *