ستاندەر
هەرێم رۆژانە ٦٠٠هەزار بەرمیل نەوت دەفرۆشێت
ئەندامێکی لیژنەی نەوت و وزەی پەرلەمانی عێراق ئاشکرای دەکات هەرێمی کوردستان رۆژانە ٦٠٠هەزار بەرمیل نەوت دەفرۆشێت، کەداهاتی ساڵانەی دەکاتە ١٢ملیارد دۆلار.
عدی عواد ئەندامی لیژنەی نەوت و وزە بە”الاتجاه برس”ی راگەیاندووە: هەرێمی کوردستان رۆژانە ٦٠٠هەزار بەرمیل نەوت دەفرۆشێت کەداهاتی ساڵانەی دەکاتە ١٢ملیارد دۆلار کەبەشی تەواوەتی موچەی فەرمانبەران دەکات.
جیا لەداهاتی ناوەخۆ بەپێی داتایەکی نافەرمی داهاتی ناوەخۆ مانگانە ٢٠٠ بۆ ٢٥٠ ملیارد دینارە، ئەمە جیا لەوپارەی کە لەلایەن ئەمریکاوە بۆ هاوکاری وەزارەتی پێشمەرگە تەرخان کراوە و برەکەی ٣٠ ملیۆن دۆلارە. جێگەی باسە لەئێستادا سەرباری بوونی ئەم هەموو داهاتە حوکمەتی هەرێم ناتوانێت ٣٠ رۆژموچە بدات بەفەرمان بەرانی.