لەکۆبونەوەیەکی لەناکاودا، یەکێتی بڕیار لەسەر لامەرکەزی بۆ پارێزگاکان دەدات

لەلایەن ستاندار Posted on 5675 جار بینراوە 0 سەرنج
YNK

ستاندەر

بەپێی زانیاریەکان کە دەست شار پرێس کەوتووە لە کۆبونەوەی لیژنەی دانوستانکاری یەکێتی کە میدیای ئەو حزبە بە کۆبونەوەیەکی لەناکاو وەسفی کردووە و تیایدا باڤێڵ تاڵەبانی و لاهور شێخ جەنگی بەشداربوون بڕیار لەسەر دروستکردنی لیژنەیەک دراوە بەناوی لیژنەی ڕوبەڕوبونەوەی قەیرانەکان.

هەر بەپێی زانیاریەکان داواکراوە لیژنەکە کار لەسەر ئامادەکردنی پڕۆژەیەک بکات سەبارەت بە چەند پرسێک و دواتریش پڕۆژەکە بخاتە بەردەم مەکتەبی سیاسی و سەرکردایەتی یەکێتی بۆ کارکردنی لەسەری. هەروەها لیژنەکە ئەرکی کارکردن دەبێت لەسەر دابەزاندنی دەسەڵاتەکان لەلایەن حکومەتی هەرێمەوە بۆ پارێزگاکان بەشێوەی سیستەمی لامەرکەزی ئیداری، و پێداچونەوە بە پەیوەندیەکانی یەکێتی لەگەڵ لایەنەکانی تر و پەیوەندیە ناوخۆکانی یەکێتی و چارەسەرکردنی فرە مینبەری لەنێو ئەو حزبەدا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *