ستاندەر
دوێنێ سێشەم لەشاری بەغدای پایتەخت خۆپیشاندانی فراوانی هاوڵاتیان دژی نەبوونی خزمەتگوزاری و بەرزبوونەوەی ئاستی گەندەڵی دەستی پێ کرد، لەخۆپیشاندانەکەدا توندوتیژی لێکەوتەوە بەهۆیەوە ٢٠٠ کەس بریندار بوونە و دوو کەسیش گیانیان لەدەستداوە، دەربارەی بەکارهێنانی توندوتیژی لەلایەن هێزەئەمنییەکانەوە، بەرپرسێکی باڵای ئەمریکا بەکەناڵی “الحره”ی راگەیاندووە: ئەمریکا بەوردی چاودێری دۆخەکە دەکات و نیگەرانە لەبەکارهێنانی توندوتیژی، لەلایەکی تر نەتەوەیەکگرتووەکان نیگەرانی خۆی لەبەکارهێنانی توندوتیژی دەربریوە و داوای دان بەخۆداگرتن دەکات لەهێزەئەمنییەکانی عێراق.