ستاندەر
وتەبێژی کۆشیکی کرملن”دیمیتری بێسکۆڤ” بەرۆژنامەنوسانی راگەیاندووە: دەبێت تورکیا بەرگری لەیەکگرتووی خاکی سوریا بکات، وتەبێژەکەی کۆشکی کرملن دەشڵێت: تورکیا مافی خۆیەتی بەرگری لەخۆی بکات، بەڵام بەمەرجێک یەکگرتووی خاکی سوریا بپارێزێت.
ئەم وتانەی “دیمیتری بێسکۆڤ” لەکاتێکدایە رۆژی سێشەمەی رابردوو سەرۆکی تورکیا”رەجەب تەیب ئەردوگان” رایگەیاندبوو: کەتورکیا هیچ بژاردەی دیکەی نیە و بەتەنها کاردەکات بۆ دروستکردنی ناوچەی ئارام لەسوریادا، لێدوانەکەی ئەردوگان دوای ئەوەدێت کەپرۆسەی دانوستان لەسەر دروست کردنی ناوچەی ئارام لەنێوان تورکیا و ئەمریکادا هیچ بەرەوپێشوەچوونێکی بەخۆیەوە نەدیوە.