ستاندەر
کەناڵی تەلەفزیۆنی میسر بڵاویکردۆتەوە کە لەپەیوەندیەکی تەلەفۆنی عبدالفتاح سیسی سەرۆک کۆماری میسڕ و د. بەرهەم ساڵح سەرۆک کۆماری عێراق دوای تاوتوێکردنی هێرشی سەربازی تورکیا بۆ سەر سوریا، هەردوو وڵات ڕێککەوتوون کە بەردەوام بن لەسەر هەماهەنگی و گۆڕینەوەی بیروڕا بۆ ڕوبەڕوبوونەوەی هێرش و پەلامارەکانی تورکیا بۆسەر سوریا.
جێگەی باسە ئەمڕۆ وەزارەتی دەرەوەی عێراق ڕایگەیاند عێراق دودڵە لەو هێرشەی تورکیا بۆسەر سوریا و ڕاشیگەیاندووە کە عێراق داوای ڕێزگرتن لە سەروەری خاکی وڵاتان دەکات و گفتوگۆی سیاسیش بە پێویست دەزانێت.
ئەمە لەکاتێکدایە دوێنی تورکیا ئۆپراسیۆنی سەربازی سەر ڕۆژئاوای کوردستانی دەستپێکرد ئەمەش کاردانەوەی هەرێمی و نێودەوڵەتی زۆری بەدوایخۆیدا هێناو بڕیارە ئەمڕۆ ئەنجومەنی ئاسایشی نێودەوڵەتی سەبارەت بەو پرسە کۆبونەوەی نائاسایی ببەستێت.