ستاندەر
لە ئێستادا دوای چڕكردنەوەی هێرشەكانی توركی بۆ سەر رۆژاڤا، لە ئێستادا بەرپرسانی هەردوو حیزبی باڵادەست لە هەرێمی كوردستان مەترسی قۆناغی دواتی ئەو هەڵمەتە سەربازیەیان بۆ سەر كوردستان هەیە، ئەدهەم بارزانی ئەندامی سەركردایەتی پارتی لە گرتەیەكی ڤیدیۆیی رایگەیاند ئەگەر توركیا سەركەوێ قۆناغی دواتر هەرەشە لە هەرێمی كوردستان دەكەن و بەشێكی تری داگیردەكەن، لە راگەیەنراوەكانی پەرلەمانی كوردستانیش بەهیچ شێوەیەك ئاماژە بە دەستدرێژی توركیا نەكراوە.
جێی باسە ئێستا هەرێمی كوردستان لە رووی ئابوری بە تەواوی بە توركیا بەستراوەتەوە بەهۆی گرێبەستی پەنجا ساڵەی نەوت لەگەڵ ئەو وڵاتە بە سەرپەرشتی نێچیرڤان بارزانی و ئاشتی هەورامی، بۆیە ئێستا هەرێمی كوردستان كەوتۆتە نێوان دوو فشاری توركیا، یەكێكیان سەربازییە و ئەوی تر ئابوری، چاودێران پێیان وایە بۆ دەربازبوون لە ژێر هەژمونی توركیا لەو قۆناغە و بۆ پاراستنی چوارچێوەی فیدراڵی كوردستان پێویستە هەرێم لەگەڵ بەغدا بگاتە رێكەوتن.