ستاندەر
پەرلەمانتارێکی عێراق ئاشکرای دەکات” عادل عەبدولمەهدی” کاردەکات بۆ دورخستنەوەی ١٠ وەزیر لەپۆستەکانیان بەبێ ئەوەی خۆی لەپۆستەکەی دوربکەوێتەوە، محمد کەربولی ئەندامی پەرلەمانی عێراق لەتویتێکدا رایگەیاندووە: سەرۆک وەزیران کار دەکات بۆ دورخستنەوەی ١٠ وەزیر لەپۆستەکانیان، بەبێ ئەوەی خۆی لەپۆستی سەرۆک وەزیران دور کەوێتەوە کەداواکاری سەرەکی خۆپیشاندەرانە، کەربولی بەعادل عەبدولمەهدی دەڵێت: مانەوەت لەپۆستەکەتدا کێشەیە.
لەلایەکی تر سەرچاوەیەکی ئاگادار لەم دۆسیەیە بەستاندەری راگەیاندووە: یەکێک لەو وەزیرانەی کە ئەگەری دورخستنەوەی هەیە لەپۆستەکەیدا وەزیری دارایی” فواد حسێن” دەبێت، بۆ ئەومەبەستەش هەمان سەرچاوە بەستاندەری گوتووە، عادل عەبدولمەهدی داوای لەپارتی کردووە فشار لە “فواد حسێن” بکەن خۆی دەست لەکاربکێشێتەوە، لەشوێنی کاندیدێکی تری ئەو حیزبە لەجێگەی دابندرێت.