ستاندەر
نوری مالکی سەرۆک وەزیرانی پێشوی عێراق و سەرۆکی هاوپەیمانێتی دەوڵەتی یاسا دەنگۆی خۆکاندیدکردنی بۆ پۆستی سەرۆک وەزیرانی عێراق ڕەتدەکاتەوە.
هیشام روکابی بەرپرسی نوسینگەی راگەیاندنی نوری مالکی سەرۆکی هاوپەیمانێتی دەوڵەتی یاسا بە کەی ئێن ئێنی راگەیاندووە، مالکی خۆی بۆ پۆستی سەرۆک وەزیرانی عێراق کاندید ناکات.
ئەوە لەکاتێکدایە لەدوای پەسندکردنی دەست لەکارکێشانەوەی سەرۆک وەزیران عادل عەبدولمەهدی لەلایەن ئەنجومەنی نوێنەران، لەهەندێ میدیای عێراقی دەنگۆی خۆکاندیدکردنی نوری مالکی بۆ پۆستی سەرۆکی ئەنجومەنی وەزیران بڵاوکرایەوە.