ستاندەر
ئەنجومەنی ئاسایشی نێودەوڵەتی لەبەیاننامەیەکدا داوایەک ئاڕاستەی حکومەتی عێراق دەکات، ئەنجومەنی ئاسایشی نێودەوڵەتی لەبەیاننامەکەیدا نیگەرانی سەرجەم ئەندامی ئەنجومەنەکەی خستۆتە ڕوو لەبارەی کوشتن و دەستگیرکردنی بێ پاساوی خۆپیشاندەران لەلایەن هێزەدەمامکدارەکانەوە.
ئەنجومەنی ئاسایشی نێودەوڵەتی داواش دەکات حکومەتی عێراق لێکۆڵینەوە بکات لەو گروپەچەکدارانەی کەوا تێوەگلاون لەکوشتن و بەئامانج کردنی خەڵک و خۆپیشاندەرانی بێ چەک. جێگەی باسە خۆپیشاندانەکانی عێراق بەردەوامیان هەیە و رۆژ بەرۆژیش ئاماری قوربانییەکان بەرەوهەڵکشان دەڕوا، ئەمەش کۆمەڵگای نێودەوڵەتی و نەتەوە یەکگرتووەکان، ڕێکخراوەکانی بواری مافی مرۆڤی نیگەران کردووە.