ستاندەر
شاناز ئیبراهیم ئەحمەد ئەندامی سەرکردایەتی گشتی یەکێتی لەنوسینێکیدا بەبۆنەی کۆتایهاتنی کۆنگرەی چوارەمی یەکێتی باس لە ژیاندنەوەی ڕێککەوتننامەی دەباشانی نێوان یەکێتی و گۆڕان دەکات و هیواخوازە ئەو کۆنگرەیە ببێتە هۆی ژیاندنەوەی ئەو ڕێککەوتنە.
ناوبراو نوسیویەتی بەر لەهەرشتێک هیوادارم کۆنگرە و هەڵبژاردنی سەرکردایەتی نوێ ببێتە مایەی سەر لەنوێ داڕشتنەوە و پێداچونەوە بە سیاسەتی گشتی یەکێتییدا لە (کوردستان و عێراق و ناوچه‌كه). بەتایبەت ژیاندنەوەی ڕێککەوتننامەی مێژویی دەباشان کە (مامجەلال و کاک نەوشیروان) بەمەبەستی گێڕانەوەی هاوسەنگی هێز و دەربازکردنی کوردستان لەچەق بەستویی و سلێمانی لەپەراوێزخستن ئیمزایان کرد.