عادل عەبدولمەهدی داوا لەخۆپیشاندەران دەکات لەبەردەم باڵوێزخانەی ئەمریکا بکشێنەوە

لەلایەن ستاندار Posted on 246 جار بینراوە 0 سەرنج
عادل

ستاندەر

عادل عەبدولمەهدی سەرۆکی حکومەتی کاربەڕێکەری عێراق لەبەیانامەیەکدا داوا لەلایەنگرانی حەشدی شەعبی دەکات لەبەردەم باڵوێزخانەی ئەمریکا بکشێنەوە لەبەغدای پایتەخت، عەبدولمەهدی دەشڵێت: هەر هێرشێک بۆ سەر باڵیۆزخانەکان و نوێنەرایەتى وڵاتانى بیانى لەعێراقدا، بەتوندى ڕوبەڕووى دەبنەوە و سزا ئەنجامدەرانىشی بەتوندی دەدەین.

شایەنی باسە ئەمڕۆ لایەنگرانی حەشدی شەعبی لەبەغدای پایتەخت گردبوونەوەیەکیان لەبەردەم باڵوێزخانەی ئەمریکا ئەجامدا، بەمەبەستی دەربڕینی ناڕەزایەتی دژی هێڕشەکانی ئەمریکا بۆسەر بنکە و بارەگاکانی حەشدی شەعبی و حیزب اللە، کەبەهۆیەوە ١٩ کەس کوژران و ٣٥ کەسیش برینداربوون، بەگوێرەی زانیارییەکانیش گردبوونەوەکەی لایەنگرانی حەشد گرژی تێکەوتووە و لایەنگرانی حەشد دیواری باڵوێزخانەی ئەمریکایان سوتاندووە و لەئێستاشدا بەفەرمی باڵوێزخانەی ئەو وڵاتە داخراوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *