ستاندەر
ئەندامی لیژنەی ئاساییكردنەوەی دۆخی ناوچەكوردستانییەكان شاخەوان عەبدوڵڵا رایگەیاند، لەدوای ڕووداوەكانی 16ی ئۆكتۆبەری ٢٠١٧ ڕۆژ بەڕۆژ داعش لە ناوچە كوردستانییەكان لەزیادبووندایە و كردەوەی تیروریستی بەڕێوە دەبەن, لە هەندێك شوێن بە قووڵایی30 بۆ 50 كم جوڵەیان کردووە. لە‌ناوچەكانی قەرەدەرە و پردێ چاڵاكن و هێرش دەكەنە سەر هێزەكانی عێراق‌و حەشدی شەعبی. لەسنووری دووزخورماتوو، خانەقین و ناوچەكانی دیكە داعش زۆر بەهێز بووە و بەردەوام كردەوەی تروریستی بەڕێوە دەبەن، مەترسییەکى زۆر جددییە هێزەكانی عێراق و حەشدی شەعبیش توانای پاراستنی ئەو ناوچانەیان نییە.