بەرهەم ساڵح و حەسەن رۆحانی لەرێگەی پەیوەندیەکی تەلەفونیەوە بارودۆخی عێراق تاوتوێ دەکەن

لەلایەن ستاندار Posted on 366 جار بینراوە

ستاندەر

نوسینگەی راگەیاندنی سەرۆکایەتی کۆماری عێراق لەڕاگەیەندراوێكدا ئاماژەی بەئەنجامدانی پەیوەندیەکی تەلەفونی کردووە لەنێوان ” بەرهەم ساڵح سەرۆک کۆماری عێراق  و حەسەن رۆحانی سەرۆک کۆماری ئێران”، بەپێی ڕاگەیەندراوەکەی نوسینگەی راگەیاندنی سەرۆکایەتی کۆمار، بەرهەم ساڵح پرسەو ماتەمینی قوڵی خۆی گەیاندووه‌ بۆ شەهیدبوونی حاجی قاسم سلێمانی و هاوەڵەکانی، هەروەها سەرۆک کۆماری عێراق ئاماژەی بەگرینگی و ڕۆڵی قاسم سولەیمانی داوە لەشەڕی ڕوبەروبوونەوەی ڕێکخراوی تیرۆرستی داعش لەعێراقدا، لەدرێژەی پەیوەندیەکەیاندا هەردوولا ئامەژەیان بەبەردەوام بوونی پەیوەندییەکانی نێوان عێراق و ئێران داوە.

پەیوەندییە تەلەفونیەکەی سەرۆک کۆماری عێراق لەگەڵ هاوتا ئێرانییەکەی لەکاتێکدایە پێشتر بەرهەم ساڵح پەیوەندی تەلەفونی لەگەڵ هەریەک لە سەرۆک کۆماری تورکیا و فەرەنسا و پاشای سعودیە و وەزیری دەرەوەی ئەمریکا ئەنجامدابوو، سەبارەت بەسەقامگیری دۆخی عێراق.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.