ستاندەر
رەجەب تەیب ئەردوگان سەرۆک کۆماری تورکیا لەبارەی دۆخی لیبیاوە رایگەیاند: لیبییەکان نەوەی عوسمانییەکان و پێشتریش لیبیا بەشێکی گرنگی ئیمپڕاتۆریەتی عوسمانی بووە، ئەردوگان دەشڵێت: خەلیفە حەفتەر دەیەوێ تەواوی لیبیا کۆنترۆڵ بکات و چەند وڵاتێکی عەرەبی پشتگیریی دەکەن و رێگەنادەین نەوەی عوسمانییەکان لە لیبیا کۆمەڵکوژ بکرێن.
ئەم لێدوانەی ئەردوگان دوای ئەوە هات “خەلیفە خەفتەر” فەرماندەی سوپای نیشتمانیی لیبیا، بەبێ واژۆکردن لەسەر دەست پێشخەریەکی نێوان روسیا و تورکیا بۆ ئەنجامدانی ئاگربەست لەگەڵ “فەیاز سەراج” سەرۆکی حکومەتی ویفاقی نیشتمانی لیبیا، روسیای جێهێشتووە و گەڕاوەتەوە لیبیا.
شایەنی باسە شارەزایانی سیاسی پێیان وایە ئەردوگان بەردەوام لەهەڵی ئەوە دایە هەژمونی خۆی بەسەر هەموو ئەو وڵاتانەدا زاڵ بکات کەوا پێشتر بەشێک بوونە لە ئیمپڕاتۆریەتی عوسمانی.