ستاندەر
دكتۆر مه‌حمود عوسمان سیاسه‌تمه‌دارى دیارى كورد لە چاوپێکەوتنێکدا ڕونیکردەوە، ئه‌گه‌ر ئه‌مریكا ده‌یه‌وێت هێزه‌كانى بهێنێته هه‌رێم، بەرلەوە با بمانكات به ده‌وڵه‌ت، ئەوان ئێستاش وا بیردەکەنەوە ئێمه به‌شێكین له عێراق و كێشه‌كانمان تەنیا له به‌غداد چاره‌سه‌رده‌بێت. تاکو ئێستاش هیچ شتێك نه‌گۆڕاوه له سیاسه‌تى ئه‌مریكا، هەڵەیە باوه‌ڕى پێبكه‌ین. كوردى توركیا به هه‌زارانیان ده‌كوژرێن و ده‌گیرێن، به‌ڵام ئه‌و له‌گه‌ڵ ئه‌نكه‌ره-دایه و ده‌ڵێت: ئه‌وانه تیرۆریستن. له سوریا كشایه‌وه، به‌ڵام بۆ نه‌وته‌كه‌ى گه‌ڕانه‌وه، له جنێف بڕیارى چاره‌نووسساز له‌باره‌ى سوریا-وه ده‌درێت و رێگه‌نادرێت وه‌فدى كوردى به‌شداربێت، بۆیه سیاسه‌تى ئه‌مریكا وەک خۆیەتى و هیچ شتێكى تایبه‌تى بۆ كورد پێ نییه.
سەرچاوە/ دواڕۆژ