کارە نایاساییەکانی ئەم هەرێمە کۆتایی نایات

لەلایەن ستاندار Posted on 584 جار بینراوە 0 سەرنج
p93

ڕێبینی محامی

لەزۆربەی وڵاتانی جیهان وناوچەکە ئەوەی هەمیشە تێبینی دەکرێت بە تایبەتتر لەو وڵاتانەی کە یاسا تێیدا سەروەرە و سیستەمێکی وەها پەیڕەو دەکرێت، کە تاک و کۆمەڵگا لە ئازادی و مافەکانیان سودمەند دەبن،حوکمەت و حیزب ودەسەڵات ئەبنە وەسیلەی خزمەت کردنی کۆمەڵگا و خەڵکی خۆیان ،باشترین خزمەتگوزاری وخۆشگوزەرانی پێشکەش بە هاونیشتیمانانیان ئەکەن، وە کەمترین سەرپێچی ڕێسا و یاساکان دەبینرێت لەلایەن دەسەڵات و حوکمەت و حیزبەوە! بەڵکو یاسا لەسەرووی هەموانەوەیە بەڵام جگەلەوەی لەم هەرێمەی ئێمەدا نەک یاسا سەروەر نەبووە دادگاکان سەربەخۆیی خۆیان بەدەست نەهێناوە بەڵکو ئەوەی جێگای سەرنج و سەرسوڕمانە! دەسەڵاتدارانی ئەم هەرێمە جگە لەوەی خۆیان پێ لەسەروو یاساوەیە و بەیاساش مافی هاوڵاتیان پێ شێل دەکەن لەتازەترین نموونەدا لەیەکێک لە شارەکانی ئەم هەرێمەدا یەکێ لە کاربەستەکان بێ ئاگا لەوەی بەپێی هەڕەمی یاسایی کە نابێت هیچ یاسایەک دەربچێت دژی دەستوور بێت و وەناکرێت هیچ ڕێنماییەک دەربکرێت دژی یاسا بێت لەکاتێکدا بەپێی یاسای ژمارە ‌‌٦ساڵی ۱۹۹۳یاسای بەڕێوبردنی شارەوانیەکانی هەرێم مادە ۲۷بڕگە ۱کۆکردنەوەی زبڵ و خاشاک و پاکردنەوەی شەقامەکان لە ئەسۆی شارەوانیدایە بەڵام کاکی دەسەڵاتدار بێ ئاگایانەڕێنمایی دەردەکات بۆ وەرگرتنی پارە لە خەڵکی ڕەش و ڕووت بۆ کۆکردنەوەی زبڵ و خاشاکەکانیان جگە لەمە ئەم بڕیارە بڕیارێکی نایاسایی و نادادپەروەریە دەرخەری ئەوەشە کەکاکی کاربەدەست یان ئەوەتا ئاگاداری ڕێسا و یاساکان نیە و هیچی لێ نازانێت یان ئەوەتا ئەو لەسەرووی یاساوەیە یاسا هیچ بەهایەکی نیە لەم هەرێمەدا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *