ستاندەر
بە پێی چەند سەرچاوەیەك لەشارەدێی وەرتێ لە دوێنێوە ئاڵۆزیەک سەری هەڵداوە لە نێوان پارتی ویەكێتی لە زینی وەرتی، ئەو ناوچەیە یەكیتی بە هی خۆی دەزانێ، كەچی هێزێكی (پ د ك) هاتوەو سەنگەری داناوە، دوای ئەوەی هێزێكی یەكێتی چوو بۆ دەركردنیان ئاڵۆزیەکە دروست بوو، هەر بە پێی ئەو سەرچاوەیە ئەو هێزە بۆ دژایەتی یەكێتی و خەڵكی وەرتێ و دۆڵی شاوری نەهاتوە، بەڵكو بۆ ڕێگری كردن لە هاتوو چۆی پەكەكەیە.
شایانی باسە سەرچاوەیەك لەوەزارەتی پیشمەرگە ئەوەی ڕەتكردەوەو گوتی:نە توركیا فشاری كردوەو نە دژی هیچ لایەکە، بەڵكو بۆ دژایەتی كۆرونایە. گوتیشی لە ئێستادا هێزێکی وەزارەتی پیشمەرگە جێگیر كراو هێزەكانی یەكێتی كشانەوە .
ستاندەر دواین زانیاری لەبارەی ئاڵۆزیەکەی پارتی و یەکێتی لە وەرتێ ئاشکرا دەکات
