ستاندەر
سەركردەی سێ لایەنە ئیسلامیەكەی كوردستان لە راگەیەنراوی جیادا ناڕەزایەتی خۆیان بەرامبەر رادەستكردنی مەلا كرێكار سەركردەی پێشووی ئەنسار ئیسلام بە ئیتاڵیا دەردەبڕن.
هەریەك لە عەلی باپیر ئەمیری كۆمەڵی ئیسلامی و عیرفان عەلی عەبدولعەزیز رابەری گشتی بزوتنەوەی ئیسلامی پەیوەندی تەلەفۆنیان لەگەل بنەماڵەكەی ئەنجامداوە، نیگەرانی خۆیان بەرامبەر رادەستكردنی مەلا كرێكار لەلایەن نەرویجەوە بە ئیتالیا پیشانداوە وپشتیوانی خۆیان بۆ كەیسەكەی دەبڕیوە، هاوكات سەلاحەددین محەمەد بەهادین ئەمینداری گشتی یەكگرتووی ئیسلامی لە راگەیەنراوێك لە تویتەر نارەزایەتی خۆی بەرامبەر ئەو هەنگاوەی حكومەتی نەرویج پیشانداوە.