دواین زانیاری لەبارەی هەوڵەكانی پێكهێنانی حكومەتی عێراق

لەلایەن ستاندار Posted on 632 جار بینراوە 0 سەرنج
LOGO_NEWS-1

ستاندەر

سادق سولەیتی پەرلەمانتاری هاوپەیمانی سائیرونی سەر بە موقتەدا سەرد رایدەگەیەنێت عەدنان زورفی كاندیدی راسپێردراو بۆ پێكهێنانی حكومەتی نوێی عێراق بەردەوامە لە كۆبونەوە و دانوستانەكان بۆ ئەوەی لەكاتی دەستوری خۆی كابینەكەی پێشكەشی پەرلەمان بكات.

ناوبراو وتیشی:” وەك هاوپەیمانی سائیرون بەشداری حكومەت ناكەین و هیچ پۆستێك وەرناگرین، بۆ دەنگدانیش چاوەرێی بەرنامەی حكومی و سی ڤی وەزیرەكان دەكەین،” دەشلێت: پێویستە بەرنامەی حكومی چارەسەری پێ بێت بۆ كێشەكانی تەندروستی و دارایی، بۆ وەزیرەكانیش پێویستە كەسانی تەكنۆكرات و دەستپاك بن بۆ ئەوەی متمانەیان پێ بدەین.

لەلای خۆیەوە حامد موسەوی پەرلەمانتاری هاوپەیمانی فەتح لەلێدوانێكی رۆژنامەوانی رایگەیاندووە راسپاردنی عەدنان زورفی لەلایەن سەرۆك كۆمارەوە هەنگاوێ:ی نا دەسنوری بوە و تا ئێستا زۆربەی فراكسیۆنەكانی پەرلەمان ناوبراو رەت دەكەنەوە.

وتیشی زۆرینەی فراكسیۆنە شیعیەكان پێیان وایە زورفی بە رێوشوێنی نادەستوری راسپیردراوە بۆیە بۆیە پشتیوانی ناكەن.

 

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *