ستاندەر
دەرباز محەمەد ئەندامی خانەی راپەراندنی بزوتنەوەی گۆڕان لەبارەی پێكهێنانی حكومەتی نوێی عێراق رایدەگەیەنێت”لە یەکەم رۆژەوە، تا ئەمڕۆ، پەیامی کورد و ھەروه‌ھا پەیامی سوننەش ئەوەیە، نابێ و ناشێ، ئێمە ببین بە بەشێک لەململانێی نێوماڵی شیعە، بەتایبەت بۆ بابەتێکی پڕ بایەخ و ھەستیاری وەکو متمانەدان بە بەرزترین دەسەڵاتدار لە وڵات”.
ناوبراو لەوتارێكدا كە ئەمرۆ بڵاویكردۆتەوە نوسیویەتیشی ، کورد تا ئێستا چاوەڕوانی ماڵی شیعەیە، نەک خودی زورفی و پشتیوانەکانی،”بێگومان نە لەگەڵ بەڕێز زورفی و نە لەگەڵ ئەوانی دیکەش دەرگای گفتوگۆ دانەخراوە، بەڵام دانوستان نەکراوە و وابڕوا پێدەچێ دانوستان ھەر نەکرێ”.
بەبروای ئەو بەشە زۆرەکەی شیعە، بەتایبەت فراکسیۆنەکانی فەتحى ھادی عامری، بەھەموو باڵەکانیەوە، دەوڵەتی قانونى نوری مالیکی، وەتەنییەی عەمار حەکیم، عەقد ی فالح فەیاز، كه ١١٠-١١٥ كورسى په‌رله‌مانیان هه‌یه، بە راشکاوی دژی زورفی وەستاونەته‌وە.
هەروەها دەلێت ، لە بەرامبەردا، فراکسیۆنی سائیرون بێدەنگی بەواتای پشتیوانییان ھەڵبژاردووە، عه‌بادی و بەشێک لە فراکسیۆنەکەی بە ئاشکرا پشتیوانن. کە بەھەمووی لە نێوان ٧٠-٧٥ كورسییان ھەیە.