ستاندەر
دەزگای ستاندەر نیگەرانی خۆی بەرامبەر دووبارە دەزگیركردنەوەی رۆژنامەنووس هێمن مامەند دەردەبرێت.
لە راگەیەنراوێكی دەزگاكە هاتووە:” لە ئێستادا لە هەموو وڵاتانی جیهان بیر لە ئازادكردنی گیراوان و دروستكردنی یەكبونی كۆمەڵایەتی دەكرێت بۆ رووبەروبونەوەی كۆڕۆنا بەڵام بەداخەوە لە هەرێمی كوردستان پێشێلكاریەكان بەردەوامن”.
ستاندەر راشیدەگەیەنێت ئازادكردن و دووبارە دەستگیركردنەوەی هێمن مامەند و بردنی لەنیوە شەو لەنێو ماڵی خۆیدا پێشێلكاریەكی زەقی بنەماكانی مافی مرۆڤە و ناكرێت قبولبكرێت، پێویستە لایەنە پەیوەندیدارەكان پێداچونەوە بەو مامەڵەیە بكەن لەگەل ناوبراو و ئازادی بكەن.
ستاندەر داواشدەكات لەو دۆخە هەستیارە لەجێی گرتنی چالاكان و رۆژنامەنووسان ئەو بەرپرس و كەسانە بگیرێن كە بەبێ گوێدانە مەترسیەكان پێشێلی رێنماییەكان دەكەن.