ستاندەر
رۆژنامەی واشنتۆن پۆستی ئەمریكی توێژینەوەیەكی بڵاوكردۆتەوە كە لەلایەن هەندێ پزیشكی پسپۆرەوە ئامادەكراوە لەبارەی ئەو كێشە تەندروستیانەی كە توشبوانی كۆرۆنا دوای چاك بونەوە بەشێكیان گیرۆدەی بوونە.
بەگوێرەی توێژینەوەكە رێژەی 14% بۆ 30%ی توشبوانی كۆرۆنا لە نیویۆرك و وۆهان دوای چاكبونەوەیان كێشەیان لە كاركردنی گورچیلەكان بەشێوەیەكی دروست هەیە.
هەروەها لە بەشێكی تر ئاماژە بۆ ئەوە كراوە 60% توشبوان دوای چاك بونەوەیان كێشەی بۆن و تام كردنیان بۆ دروست بوە، بەڵام دیار نیە كێشەكەیان كاتیە یاخود درێژ خایەن دەبێت.
پزیشكەكان دەشلێن بەشێكی تری توشبوان دوای چاكبونەوە كێشەی دڵیان بۆ دروستبوە بەجۆرێك بەشێوەیەكی رێكخراو كارناكەن ئەوەش مەترسی ئەوە دێنێتە پێش ئەو كەسانە دوچاری سەكتەی دل بن.