هەوڵێكی تر بۆ پێنەدانی پۆستی سیادی بە حیزبە كوردیەكان لەعێراق ئاشكردەبێت “بۆبەرژەوەندی هەندێ كەسایەتی بەكاریدەهێنن”

لەلایەن ستاندار Posted on 4360 جار بینراوە 0 سەرنج
Capture

ستاندەر

كەریم علیوی ئەندامی ئەنجومەنی نوێنەران داوادەكات لە حكومەتی نوێی عێراق بەهیچ شێوەیەك پۆستی وەزارەتە سیادیەكان نەدرێت بە حیزبە كوردییەكان.

ناوبراو لەراگەیەنراوێكدا ئاماژەی بۆ ئەوە كردووە لە ئەزمونی پێشومان لەگەل حیزبە كوردیەكان دەركەوتووە ئەوان پێشتر پۆستی وەزیری دەرەوە و ئێستاش وەزیری دارایی بۆ بەرژەوەندی حیزبەكانیان لە هەرێم بەكاردەهێنن لەبیریان چوە كە ئەوان وەزیرن لەسەر ئاستی عێراق.

علیوی رایدەگەیەنێت ئەگەر جارێكی تر وەزارەتی دارایی تەسلیم بەكورد بكرێتەوە مانای وایە قوت و دارایی عێراق بۆ ئەو حیزبە كوردیانە و شەخسە دیارەكانیان دەچێت و عێراقیش دەبێـتە قوربانی.

دەشلێت لەگەل لایەنە عێراقیە نیشتیمانیەكانی تر كاربۆ ئەوە دەكەین لە كابینەی نوێ هیچ وەزارەتێكی سیادی بە كاندیدی حیزبە كوردیەكان نەدرێت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *