ستاندەر
بریاردەری لیژنەی دارایی و ئابوری پەرلەمانی كوردستان رایدەگەیەنێت ئەمرۆ لەگەل شاندی هەرێم بۆ بەغدا كۆدەبینەوە بۆ تاوتوێكردنی كێشەی ئێستای هەرێم و بەغدا و راگرتنی شایستەی دارایی هەرێم.
محەمەد سەعدەدین، بڕیاردەری لیژنەی دارایی و ئابوری لە پەرلەمانی کوردستان لەلێدوانێكی رۆژنامەوانی رایگه‌یاند، ” ئەو كێشه‌ىەی ئێستاى به‌غدا و هه‌رێم په‌یوه‌ندى هه‌یه به میكانیزمى جێبه‌جێكردنى یاساى بودجەی 2019 و لێكتێنه‌گه‌یشتنێک هه‌یه له‌و ماده‌یه‌ى كه په‌یوه‌ندى هه‌یه بەو 250 هه‌زار به‌رمیله و شایسته داراییه‌كانى هه‌رێم هەیە”.
دەشلێت، “له ده‌رفه‌تێكی نزیك كێشه‌كە چاره‌سه‌ر ده‌كرێت و موچه و سیسته‌مى دارایى هه‌رێم ئاسایى ده‌بێته‌وه، حكومه‌تى هه‌رێم و سه‌ركردایه‌تى سیاسی له هه‌رێمى كوردستان به‌هه‌مو شێوازێك له‌گه‌ڵ باشكردنى دۆخى دارایى هه‌رێم و زامنكردنى موچه‌ى فه‌رمانبه‌رانن”.