ستاندەر
بریارە سبەی دووشەممە پەرلەمانی كوردستان میوانداری د.سامان بەرزنجی وەزیری تەندروستی حكومەتی هەرێمی كوردستان بكات بۆ تاوتوێكردنی دۆخی رووبەربونەوەی ڤایرۆسی كۆرۆنا لە هەرێمی كوردستان، بەگوێرەی زانیاریەكانیش هەوڵێك دەستی پێكردووە بۆ بایكۆتی كۆبونەوەكە.
بەگوێرەی سەرچاوەیەكی ئاگادار بۆ شارپرێس لایەنەكانی ئۆپۆزسیۆن بایكۆتی كۆبونەوەكە دەكەن و هەولێكیش هەیە بۆ ئەوەی یەكێتی و گۆڕانیش بەهەمان شێوە بایكۆتی كۆبونەوەكە بكەن، ئەوەش بەهۆی هەلگرتنی پارێزبەندی لەسەر سۆران عومەر لە دواین دانیشتنی پەرلەمان لەلایەن پارتی بە پشتیوانی پەرلەمانتارانی پێكهاتەكان.