هەوڵەكانی شیعە بەرەسمی بۆ رێگری لە فوئاد حوسێن دەستی پێكرد

لەلایەن ستاندار Posted on 238 جار بینراوە

ستاندەر

كەریم علێوی پەرلەمانتاری هاوپەیمانی فەتح سەر بە هادی عامری لە لێدوانێكی رۆژنامەوانی دژایەتی خۆی بۆ پێدانی پۆستی وەزارەتی دەرەوە بە فوئاد حوسێن دەربڕی.

ناوبراو لەلێدوانێكی رۆژنامەوانی رایگەیاند پێشتریش وتومانە سێ وەزارەتە سیادیەكە “دەرەوە، دارایی،نەوت” بەهیچ شێوەیەك نابێت بدرێتە كورد چونكە بۆ مەبەستی خۆیان بەكاری دەهێنن نەك دەولەتی عێراق.

ئەو پەرلەمانتارەی هاوپەیمانی فەتح وتیشی لە رێگای وەزارەتی داراییەوە پارەیەكی زۆر بەبێ ئاگەداری حكومەت بۆ هەرێمی كوردستان گواسترایتەوە كە نابێت حكومەتی نوێ ئەوە قبولبكات.

جێی باسە بۆ وەزارەتی دەرەوە لە كابینەكەی كازمی، پارتی فوئاد حوسێن وەزیری پێشووی دارایی عێراقی كاندید كردووە، ئەویش دوای ئەوەی لە ژێر فشاری لایەنە شیعیەكان وەرگرتنی پۆستی وەزارەتی دارایی لەلایەن ناوبراو بۆ جاری دووەم رەتكرایەوە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.