فشارەكان بۆ ئازادكردنی بەدەل بەرواری زیاتر دەبن

لەلایەن ستاندار Posted on 537 جار بینراوە 0 سەرنج
badal

ستاندەر

لە چوارچێوەی فشارەكان بۆ ئازادكردنی “بەدەل بەرواری” مامۆستا و چالاكی خۆپیشاندانەكانی هەفتەی رابردووی دهۆی 11 پەرلەمانتاری كوردستان داوای ئازادكردنی ناوبراو بە زوترین كات دەكەن.

11 پەرلەمانتارەكەی كوردستان رایانگەیاندووە مامۆستا بەدەل بەرواری بە ناهەق لە زیندان هێڵراوەتەوە كە “تۆمەتی دەستگیركردنەكەی و هێشتنەوەی لە زیندان دا، تەنها ئەوەیە بەرگریی لە مافی خۆی كردوەو ناڕەزایی بەرانبەر بە دواكەوتنی موچەكەی دەربڕیوە.”

‎لەبەشێكی راگەیەنراوەكە هاتوە”ئێمەی پەرلەمانتاران كە لە خوارەوە ئیمزامان كردوە، داوادەكەین كە پێویستە وەزیری ناوخۆی حكومەتی هەرێم، ئەم مامۆستایە ئازادبكات و چیتر بەتۆمەتی ناڕەزایی دەربڕین و رێپێوانی هێمنانە، مامۆستایان و چالاكوانان دەستگیرنەكرێن و تۆمەتی بێبنەمایان روبەڕو نەكرێتەوە.”

‎  داواشیان لە لیژنەكانی مافی مرۆڤ و  ناوخۆ و پەروەردە لە پەرلەمانی كوردستان و وەزارەتی پەروەردەی حكومەتی هەرێمی كوردستان كردوە، لە خەمی پاراستنی گیانی مامۆستا “بەدەل بەرواری”دا بن و چیتر بێدەنگ نەبن بەرانبەر بە هێشتنەوەی ناوبراو لە زیندان.

راگەیەندراوەكە ‎ئیمزای ئەم پەرلەمانتارانەی لەسەرە:

‎سیپان ئامێدی
‎سۆران عومەر
‎دیاری ئەنوەر
‎ئەبوبەكر هەڵەدنی
‎گۆران عومەر عەلی
‎د. شێركۆ جەدەت
‎هەڵز ئەحمەد
‎مژدە مەحمود
‎جەلال محەمەد
‎ڕوپاك ئەحمەد
‎دابان محەمەد

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *