ستاندەر
ئاژانسی هەواڵی “میدڵ ئیست”ی بەریتانی، رایگەیاندووە ئێران دەستتێوەردانێكی زۆری لە پێكهێنانی كابینەی نوێی حكومەتی عێراق كردووە .
ئاژانسەكە ئاماژەی بۆ ئەوە كردووە لەكاتی سەردانی بۆ عێراق لە 30ی ئازاری رابردوو ئیسماعیل قائانی جێگرەوەی قاسم سلێمانی، سەردانی بەشێكی سەرۆكی كوتلە سیاسییە شیعییەكان كردووە، لەوانە عەممار حەكیم و نوری مالیكی و هادی عامری و فالح فەییازی سەرۆكی دەستەی حەشدی شەعبی و راوێژكاری ئاسایشی نەتەوەیی عێراق.
راشیگەیاندووە كە پێویستە حكومەتی عێراقی بە سەرپەرشتی ئێرانیەكان بێت و حەشدی شەعبی بێت و نابێت نەیاری ئێران بێت.
باسی لەوەش كردووە هەر لەسەردانەكە چاوی بە كوڕێكی سیستانی كەوتوە و پەیامی خامەنائی رێبەری باڵای ئێرانی پێگەیاندووە كە ئامادەن بۆ رەواندنەوەی هەر نیگەرانیەكی ئەو.