له‌م هه‌واری عیشقه‌دا، دونیا بێده‌نگی دایپۆشیوه‌
سروشت هه‌موو بۆ به‌هاری جوانی خۆی گۆڕیوه‌
تابلۆکانی دونیا ، هه‌موو بون به‌ هێمای جوانی تۆ
جوانی تۆ هه‌ر باقی یه‌ ! کات و زه‌‌مانی بڕیوه
‌ کاتێک خه‌می دونیا لێمان ده‌ئاڵێ ‌
به‌یادی جوانی تۆ ، خه‌م  ده‌ڕه‌وێته‌وه‌

‌هه‌ر تۆی به‌خشین بوه‌ به‌سیفه‌تت
پێغه‌مبه‌رانه‌ ، بانگ بێژی ڕێی هیدایه‌تت
هه‌ر( ڕۆحێك) بوو به‌ میوانی ئه‌و هه‌واره‌
ده‌بێ بگرێته‌ به‌ر ڕێگای به‌وه‌سڵت

لێمان مه‌گره‌ ، ئه‌گه‌ر به‌نه‌زانی دێینه‌ گۆ
یارمه‌تیمان بده‌ ، بۆ باسی جوانی  تۆ
له‌تاریکیدایه‌ ، دڵێك دور بێ له‌نورت
ده‌زانێ خۆشی چیه‌ ؟  تا ڕوو بکاته‌ قیبله‌ی تۆ

میحرابێک به‌ئارامی و چرایه‌ك له‌ هه‌واری ڕۆحدا
ده‌بێ تاریکی ببڕێت به‌ره‌و  نورو جوانی خودا
باسی عیشق  له نیگای ‌چاواندا  نیه‌
تابه‌یانی کا ، میوانه‌که‌ی ماڵی خودا

به‌هه‌شتی ئه‌وێ ، ده‌روازه‌ی له‌ دونیایه‌
کلیلی ئه‌و ‌به‌هه‌شته‌‌ ناسینی جوانی  الله
که‌من ڕۆحم په‌ی به‌جوانی ئه‌و نه‌با
ئه‌سته‌مه‌ بێ مه‌یل بم ، به‌م ژینی دونیایه‌

ڕۆح موسافیری ڕێگای ژیانه‌
 نه‌ بۆ دونیا ، نه‌ له‌گه‌ڵ  ئێره‌
ده‌بێ جراخانبێ ئه‌و میحراب و رێگه‌ هه‌واره‌
عیشق نابێ بوه‌ستێ ، نابێ بمرێ 
به‌تاسه‌وه‌ ڕێ ببڕێ ، له‌ سه‌فه‌رو جیهانی په‌نهانا