ستاندەر
بەهۆی نارازی بوونی رەوتی سەدر لە کاندید کردنی محەمەد شیاع سودانی، بۆ پۆستی سەرۆک وەزیران، ماوەی چەند رۆژێکە لایەنگرانی رەوتەکە چوونەتە ناوچەی سەوز و پشێوییەکی زۆرییان لەنێو تەلاری پەرلەمانی عێراق و دامەزراوەکانی تر درووست کردووە.
دەزگای ستاندەر لەپەراوێزی گرژییەکانی بەغدا رایدەگەیەنێت، ئەگەرچی دابەشبوونی ناو ماڵی شیعە ئێستا لەهەر کاتێکی تر قوڵتر بۆتەوه، بەڵام ئەگەری سەرهەڵدانی پێکدادانی سەربازی دوورە، بەهۆی نارازی بوونی مەرجەعیەت لەناوخۆ و ئێران و ئەمریکاش لە دەرەوە.
ستاندەر پێشی وایە، لەو دەمە ئەو جموجۆڵانەی سەدر خزمەت بە دۆخی هەرێمی کورستان ناکات، چونکە ئامانجی سەدر قووڵکردنەوەی ناکۆکی و کۆنترۆڵکردنی هەموو دامەزاراوەکانی عێراقە بە دادگای فیدڕاڵیشەوه.
دەزگای ستاندەر ئەوەش دەخاتە ڕوو، بۆ ئەوەی مافەکانی خەڵکی هەرێمی کوردستان پارێزراو بێت، پێویستە پشتیوانی ڕۆڵی دامەزراوه دەستوورییەکان بکرێت، تا بتوانن مافەکانی خەڵکی هەرێم و پرسی بودجە و مەلەفی نەوت و دەستدرێژییەکانی تورکیا سنورێکی بۆ دابندرێت، چونکە شڵەژانی زیاتری دۆخی لەبەغدا دەرفەت بۆ گەندەڵی زیاتر دەکات و لەبەرژەوەندی فراوانکردنی دەستێوەردانی ئێران زیاترکردنی پڕۆسە داگیرکارییەکانی سوپای تورکیایە لەهەرێمی کورستان، بۆیە دەزگای ستاندەر پێشنیار دەکات لایەنە کوردستانیەکان دژی جموجوڵەکانی سەدر لە بەغدا بوەستنەوه.