تەنز
نوسینی / م.ڕاستی ڕەسوڵ
پەرلەمانتار:- تۆش ئیمانت بە دەوڵەتی کوردی هەیە لە سلۆری؟.
برسی:- ئەی بێ قەزا بیت، بۆ من کورد نیم ؟!!.
٭٭٭٭٭٭٭✫٭٭٭٭٭٭٭٭✫٭٭٭٭٭٭٭٭٭✫٭٭٭٭٭٭٭٭
کۆنەفرۆش:- تۆش بە ئەندام و لایەنگرانی غەیری حیزبەکەی خۆت دەڵێی کۆیلە !.
خەباتگێڕ:- بەڵێ ئەفەندی، بۆ من کورد نیم !؟.
٭٭٭٭٭⍟٭٭٭٭٭٭٭٭⍟٭٭٭٭٭٭٭٭٭⍟٭٭٭٭٭٭٭٭٭٭
حیزب:- جەنابی وەزیر، بۆ لە دوو لا مەست و حەیرانی؟.
وەزیر:- بەڕێزم، تێناگەم، واتە چۆن؟ بۆم ڕوون کەرەوە.
حیزب:- بەکوردی واتە لە هەردوو بەری جۆگەکە دەلەوە…… ببورە، گیا دەدوریتەوە !!!.
وەزیر:- ئەها سەروەرم، هههه، تێگەیشتم….بۆ من کورد نیم !!؟.
٭٭٭٭٭٭٭✧٭٭٭٭٭٭٭✧٭٭٭٭٭٭٭٭✧٭٭٭٭٭٭٭٭٭
سەرکردە:- تۆفە، تۆش ئیمانت بە موجازەفە کردن هەیە؟.
تۆفیق:- میللەت دەڵێی گەورەم؟؟.
سەرکردە:- بێگومان، ئەی چی!!.
تۆفیق:- ههههه، عەیبە ئەو پرسیارە قوروان، بۆ من کورد نیم !!؟.
٭٭٭٭٭٭٭٭✩٭٭٭٭٭٭٭٭✩٭٭٭٭٭٭٭✩٭٭٭٭٭٭٭٭٭٭
زانا:- گەر کەسێک ژن بێنێت، تۆش پێی دەڵێی قوڕت کرد بەسەری خۆتدا؟؟.
نەزان:- چۆن پێی ناڵێم بەو قوڕبەسەرە، بۆ من کورد نیم !!؟.
٭٭٭٭٭٭٭٭٭٭☆٭٭٭٭٭٭٭٭٭٭☆٭٭٭٭٭٭٭٭٭٭☆٭٭٭٭٭٭٭٭
نەزاهە :- فەرمانبەری و مووچە لە حکومەت و کۆمپانیای حیزبەکەشت وەردەگریت؟.
فەرمانبەر:- بەڵێ میرزا، خۆ هەر من وانیم!.
نەزاهە:- جا چۆن شتی وا دەبێت؟.
فەرمانبەر:- چما مامۆستا، بۆ من کورد نیم!؟.
٭٭٭٭٭٭٭٭٭★٭٭٭٭٭٭٭٭٭٭★٭٭٭٭٭٭٭٭٭٭★٭٭٭٭٭٭٭٭٭
شارەوانی:- جەنابی صەدری ئەعزەم، تۆش زیادەڕۆیت کردۆتە سەر موڵکی گشتی ؟.
مەسئول:- نە بابە لە کوێ؟.
شارەوانی:- لە تەنیش خانووەکەت!.
مەسئول:- عەیبە باسی ئەوەندە زەویە دەکەن، بۆ من کورد نیم، بەڕێز !؟.
٭٭٭٭٭٭٭٭٭٭٭✰٭٭٭٭٭٭٭٭٭٭✰٭٭٭٭٭٭٭٭٭٭٭✰٭٭٭٭٭٭٭٭
ڕاوچی:- وەستا، تۆش تفەنگ بە تاریکیەوە دەنێیت لە ڕۆژی ڕووناکدا ؟؟.
دارتاش:- ئەرێ وەڵڵا، بۆ من کورد نیم!!.
٭٭٭٭٭٭٭٭٭٭✬٭٭٭٭٭٭٭٭٭٭٭٭✬٭٭٭٭٭٭٭٭٭٭٭✬٭٭٭٭٭٭٭٭٭٭