چاودێران: ئاستی پێشوازی لە بارزانی و وەفدەکەی لاوازە

ستاندەر

ئەمرۆ لە برۆکسل بارزانی و وەفدی یاوەری لەگەڵ جێگری سەرۆکوەزیرانی بەلجیکا و سەرۆکی ھەرێمێک بەناوی ھەرێمی فلاندەرس کۆبۆتەوە، ھاوکات لە پەرلەمانی یەکێتی ئەوروپاش دانیشتنەکان لەسەر ئاستی فراکسیۆنەکان بوە.

چاودێران پێیان وایە سەرەتای گەشتەکە و ئاستی کۆبونەوەکان ھێشتا لاوازە و لەئاست پێویستی ریفراندۆم نیە کە پێویستی بە پاڵپشتی وڵاتان ھەیە بەشێوەی نوسراوی فەرمی نەک تەنھا دانیشتنی ناو کۆبونەوە چونکە ئەگەر نوسراوی فەرمی نەبێت ھیچ بەرپرسیاریەتێک ناکەوێتە ئەستۆیان.