ستاندەر
سەرچاوەیەکی ئاگادار بە ستاندەری ڕاگەیاند یەکگرتووی ئیسلامی و بزوتنەوەی ئیسلامی بڕیاریانداوە بەبێ کۆمەڵی ئیسلامی ئامادەکاری دەکەن بۆ ڕاگەیاندنی لیستی ئیسلامی.
ئەو سەرچاوەیە وتیشی ئەو دوو لایەنە ئیسلامیە لەئێستادا ھەوڵەکانیان چڕ کردۆتەوە بۆ ڕازیکردنی کۆمەڵێک رێکخراوی ئیسلامی و کەسایەتی و مامۆستای ئایینی بەڵام لەزۆرینەی ھەوڵەکان شکستیان ھێناوە.
ئەو سەرچاوەیە وتیشی کۆمەڵی ئیسلامی وەڵامی کۆتایی بەو دوو لایەنە داوە کە لەگەڵ لیستی ئیسلامی نین بەو شێوەیەی کە ھەڵوێستی دوو لایەنەکە بەرامبەر دەسەڵات لاوازبێت.
بەپێ ی زانیاریەکان چاوەرێ دەکرێ سەرەتای ھەفتەی داھاتوو کۆبونەوەکەی یەکگرتوو لەگەڵ بزوتنەوە ئەنجامبدرێت بۆ ئامادەکاری راگەیاندنی لیستەکە.