ستاندەر
میدیاکانی تورکیا هەواڵێکیان بڵاوکردوتەوە کە تییدا هاتوە ولایەتە یەکگرتوەکانی ئەمریکا ١٨٠ بارهەڵگری پڕ لە چەکی بە هەسەدە هێزەکانی سوریای دیموکرات داوە.
بەپێی راپۆرتەکە لە ماوەی هەفتەی ڕابردو بە دو جار ئەو بڕە چەک و تەقەمەنییە گەیشتوتە بەردەست کوردەکان، کاروانی یەکەمی یارمەتیەکان لە ٢٢ی مانگی تەموز گەیشتوە و کاروانی دوەمیش لە ٢٧ی مانگی تەموز، جێی ئاماژە پێکردنە ئەمریکا کوردەکانی رۆژاڤا بە هاوپەیمانی سەرەکی خۆی ئەژمار دەکات لە سوریا و ئێستا هێزە کوردیەکانی هەسەدە و یەپەگە لە شەڕ دان بۆ رزگارکردنی پێتەختی داعش شاری ڕەقە لە سوریا.