ستاندەر
مەسعود عەبدولخالق لە پەنێلی (ریفراندۆم .. لەبەردەم پلانە ناوخۆیی و دەرەکیەکان) بەشداری کرد رۆژی دووشەممە ٧ی ٨ی ٢٠١٧ لە بارەگای یەکێتی نوسەران لقی سلێمانی بە ئامادەبونی ژمارەیەکی بەرچاو لە نوسەران و رۆشنبیران و چالاکانی مەدەنی و سیاسی.
تیایدا مەسعود عەبدولخالق ڕایگەیاند بەشداریکردن لە ریفراندۆم بە بەڵێ یاخود نەخێر شەرعیەتدانە بە پرۆسەیەک کە لە بنەڕەتدا شەرعیەتی یاسایی و نێودەوڵەتی نیە، ناوبراو وتیشی بۆ پرۆسەی سەربەخۆیی کوردستان پێویستیمان بە ھەنگاو ھەیە لەچوارچێوەی یاسای نێودەوڵەتی و سیاسەتی نێودەوڵەتی، بەپێچەوانەوە ساڵانە چەند ریفراندۆمێکیش بکرێت سودێکی ئەوتۆی بۆ پرۆسەی دەوڵەتی کوردستانی نیە، چونکە رێگایەکە ھەیەڵەیە و رێگای ھەڵەش نامان گەیەنەتە شوێنی ڕاست.