نێچیرڤان بارزانی بۆ دواخستنی ریفراندۆم بەنهێنیی سەردانی ئێرانی کردوە

لەلایەن ستاندار Posted on 5533 جار بینراوە 1 سەرنج
nechir-shamx-G

نێچیرڤان بارزانی بۆ دواخستنی ریفراندۆم بەنهێنیی سەردانی ئێرانی کردوە

کەمال چۆمانی

بەپێی سەرچاوەیەکی نزیک لە ئێرانییەکان، سەرۆکی حکومەتی هەرێمی کوردستان نێچیرڤان بارزانیی لە چەند رۆژی رابردودا بەنهێنیی سەردانی تارانی کردوە. نێچیرڤان بارزانی لەناو پارتییدا، رونتر لەناو بنەماڵەی بارزانییدا، نزیکترینە لە ئێرانییەکان بە بەراورد بە مەسعود بارزانیی و مەسڕوڕ بارزانیی -ئەو سێ کەسە بڕیارەکانی پارتیی دروستدەکەن، کەسیتر لەناو پارتییدا نە ئاگاداری دروستکردنی بڕیارە و نە دەشتوانێت بڕیار دروستبکات- لەوێ لەگەڵ بەرپرسانی ئێرانی کۆبۆتەوە، لەناویاندا قاسمی سولەیمانیی. باسی ریفراندۆمیان کردوە و ئێران داوای دواخستنی ریفراندۆمی کردوە. نێچیرڤان بارزانی بەوە رازیبوە کە ریفراندۆم دوابخرێت بەڵام داوایکردوە لەڕێی یەکێتیی نیشتیمانییەوە پارلەمان کارابکرێتەوە و پارلەمان خۆی بڕیاربدات ریفراندۆم دوابخرێت تا مەسعود بارزانیی ئیحراج نەبێت. خۆتان دەزانن ئێران لەگەڵ یەکێتییدا پەیوەندییەکانی باشن، ئێران داوای لە یەکێتیی کردوە لەگەڵ پارتییدا پارلەمان کارابکەنەوە و لە پارلەماندا ریفراندۆم دوابخرێت.
کاراکردنەوەی پارلەمان و بڕیارێک بۆ دواخستنی ریفراندۆم، هێشتا نەچۆتە بواری جێبەجێکردنەوە. بەڵام پێدەچێت لە چەند رۆژی داهاتودا هەوڵەکان چڕتر ببنەوە.
دوێنێش وتەبێژی وەزارەتی دەرەوەی ئێران پشتیوانیی خۆی بۆ گفتوگۆکانی نێوان حکومەتی هەرێم و بەغداد دەربڕی. حەیدەر ئەل-عەبادییش پێشوازیی لە وەفدی هەرێمی کوردستان کرد بەڵام لە راگەیەنراوەکەیدا باسی ریفراندۆمی نەکردوە.
دواخستنی ریفراندۆم باشترین بڕیارێکە لە ئێستادا. رۆژ بە رۆژ مەترسییەکانی ریفراندۆم رونتر دەبنەوە، بەڵام پارتی ئیحراج بوە و نایەوێت بڕیارێک بدات لەسەری بکەوێت. ئیحراجبون زۆر باشترە لەوەی قومار بە داهاتوی گەلانی کوردستانەوە بکەیت. هەر بۆیە، باشترین چارەسەر دواخستنی ریفراندۆمە.

1 لێدوان

  1. كه ى باشترين كاته ؟ هه مو داگيركه رانى كورد ئه يانه وى راپرسى دوا بخريت تا دواى داعش ، ئه و كاته بومان ده رئه كه وى ئيمه ى كورد چه ند ساويلكه و خوش باوه رين به دوژمنه كانمان . هه تا داعش ماوه امريكا و هاوپه يمانانى نايه لن شه رى كورد بكرى ، ئه گينا داعش موصل ئه گريته وه ، پاش داعش پيويستيان به كورد نامينى ، كيشه ى كورد خويه تى نه ك دوژمنه كانى .

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *