ستاندەر
دوای ئەوەی بەڕێز مسعود بارزانی لەچەندین كۆڕ وكۆبونەوەی گشتی وتایبەت دوپاتیكردۆتەوە كە گفتوگۆی هەرێم لەگەڵ بەغدا تەنها بۆ : دوو جیرانی باش دەبێت. هەروەها دوای ئەوەی زیاتر لە 92% خەڵكی كوردستان داوای سەربەخۆییان كرد لە 25/9/2017.
ئەمرۆ پەرلەمانی كوردستان ستایشی هه‌ڵوێسته‌كانی سیستانی كردو به‌رزیشی نرخاند.
هەروەها كیفاح مەحمود راوێژكاری مسعود بارزانی گوتی: حكومەتی هەرێم بۆچونەكانی سیستانی بە هەنگاوێك بەرەو چارەسەر دەزانێ وئێمە ئامادەی جێبەجێكردنی هەر دەستپێشخەریەكی مەرجەعیەتین بۆ چارەسەر.
بەشی توێژینەوەی دەزگای ستاندەر رونی دەكاتەوە كە دەستپێشخەریەكەی سیستانی -هەروەكو نوێنەری سیستانی رایگەیاند- بریتیە لە پاراستنی یەكپارچەیی خاكی عێراق وگەڕانەوە بۆ دەستور بەمەبەستی چارەسەركردنی كێشەكانی هەرێم وبەغدا.
بۆیە ئێمە لە دەزگای ستاندەر رونی دەكەینەوە كە ئەو لێدوانانەی بەرپرسانی هەرێم مانای وونبونی پلانی سەربەخۆی كوردستان وپاشگەزبونەوەیە لە ئەنجامی ریفراندۆمەكەی سەربەخۆیی وشلەژانی هەڵوێستی سیاسیانە؛ چونكە گەڕانەوە بۆ دەستوری عێراق واتا پاشگەزبونەوە لە بڕیاری دروستكردنی دەوڵەتی كوردستان وگەڕانەوە بۆ بەغدا بەمەبەستی گفتوگۆكردن لەسەر بەدەستهێنانی پارەو پایە نەك سەربەخۆی كوردستان.
بەرپرسانی هەرێم توشی شڵەژانی هەڵوێستی سیاسی بوونە
