ئێستا چى ده‌گوزه‌رێ ؟

لەلایەن ستاندار Posted on 620 جار بینراوە

سەرتیپ قەشقەیی

ئه‌وه‌ى ئێستا له‌ هه‌رێمى كوردستان ده‌گوزه‌رێ له‌ ژێر چه‌ترى رێككه‌وتنێكى ژێر به‌ژێرى نهێنى نێوان پارتى و یه‌كێتیه‌، ته‌واوكه‌رى ئه‌و فلمه‌ په‌خشكراوه‌یه‌، كه‌ پارتى و یه‌كێتى ده‌ستیان پێكردووه‌و، كۆتایییه‌كه‌ى ساڵانێك ده‌خانه‌یه‌نێت، دروستكردنى ” ئه‌نجومه‌نى سیاسى كوردستان-عێراق”، له‌ چوارچێوه‌ى ئه‌و رێككه‌وتن و فلمه‌دایه‌.
ئێستا روونه‌ كه‌ هه‌ڵبژاردن ناكرێت، پڕۆسه‌ى دیموكراسیش له‌ پاشه‌كشه‌دایه‌، دامه‌زراوه‌ شه‌رعییه‌كان له‌ ژێر هه‌ڕه‌شه‌دان ، بۆیه‌ ئه‌وانه‌ى ده‌یانه‌وێ رێگه‌بگرن له‌ هه‌موو جۆره‌ قۆرخكردنێك و په‌كخستنێكى دامه‌زراوه‌ شه‌رعییه‌كان، خه‌بات ده‌كه‌ن بۆ گه‌ڕانه‌وه‌ى جارێكى تر به‌ها بۆ ده‌نگى هاووڵاتیان، پێویسته‌ له‌ ئه‌مڕۆوه‌ خه‌باتى دیموكراسى و مه‌ده‌نى خۆیان له‌ ناوه‌وه‌و ده‌ره‌وه‌ى كوردستان چڕترو زیاتر بكه‌ن، دژى ئه‌و پلانه‌ رانه‌گه‌یاندراوه‌ بوه‌ستنه‌وه‌، چونكه‌ به‌پێى ئه‌و پلانه‌ى پارتى و یه‌كێتى، له‌ قۆناغى داهاتوودا پڕۆسه‌ى ئاڵوگۆڕى ده‌سه‌ڵات و هه‌ڵبژاردن هیچ قیمه‌ت و به‌هایه‌كى نامێنێ.


رووى قسه‌ى ئێمه‌ بۆ ئه‌و حزبه‌ سیاسیانه‌ نییه‌، كه‌ به‌ دواى پڕۆژه‌یه‌كى رانه‌گه‌یاندراوى پارتى و یه‌كێتى كه‌وتوون، به‌ڵام ئه‌و حزبانه‌ى له‌ ده‌ره‌وه‌ى پڕۆژه‌كه‌ن، پێویسته‌ خۆیان له‌و بێده‌نگى و بێهه‌ڵوێستیه‌یان ده‌ربازبكه‌ن، روئیاو به‌رنامه‌و ستراتیژێكى روونیان هه‌بێت، بۆئه‌وه‌ى رووبه‌رووى ئه‌و هێزانه‌ ببنه‌وه‌، كه‌ ده‌یانه‌وێ به‌ بیانوى جۆراوجۆر پرۆسه‌ى دیموكراسى چه‌ند هه‌نگاوێك به‌ره‌و دواوه‌ ببه‌ن.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.