میللەت یان دەسەڵات

لەلایەن ستاندار Posted on 1050 جار بینراوە

حاکم/ سابیر سمایل مەلا
نەگەڕێینەوە مێژووی دووری درێژی گەلی کورد، تەنھا باسی ئەرکی میللەت بکەین لەم ریفراندومەی لە ٢٥ی ئەیلولی رابردووکرا بۆ سەربەخۆی خەڵکی کوردستان سەرباری تێبینی لەسەر کاتی ریفراندۆمەکە بەڵام میللەت بەرەو پیری سندوقی دەنگدان چوو، ئەم ریفراندۆمە قسەی و باسی زۆری لەسەرکرا بەڵام گوێیان لێنەگیرا، ڕۆژی دەنگدان بۆ ریفراندۆم خەڵکی کوردستان دەنگیداو ئەنجامی دەنگ ئاشکرابوو، کەواتە خەڵکی کوردستان ئەرکی سەرشانی خۆی بەتەواوی بەجێگەیاند، لە داھاتووشدا ھەر ئەرکێکی بکەوێتە سەرشانی جێبەجێیدەکات بۆ سەربەخۆیی گەلی کوردستان ، بەڵام ئەگەر دەنگەکان ھەر لە کۆگای کۆمیسیۆن ھەلبگیرێ و ئیشی لەسەر نەکرێت و نەبێتە ھۆی گۆڕانکاری لە داھاتووی خەلکی کوردستان لە ماوەیەکی نزیک خەلک لە دەنگی خۆی دەپێچێتەوە .
بەرلەوەی خەڵک بەدواداچون بۆ دەنگەکانی بکات، لێرەدا ئەرکی دەسەڵاتی کوردی دەست پێدەکات سەرەتا ئاشکرا کردنی ئەو پەیوەندییە نێودەوڵەتییە ژێر بە ژێرانە و ئەو ئەو پەیمان و بەلێنانەی پێیان دراوبوو، ھەروەھا ئاشکرا کردنی ھەنگاوەکانی داھاتوویان بۆ خەلکی کوردستان.
بۆ ئەو مەبەستە چەند پێشنیارێک دەخەمە روو بەو ھیوایەی سوودمەندی ھەبێت بۆ کارەکانی داھاتوو:
یەکەم: لایەنەکانی کوردستان
١- لیژنەی بالای ریفراندوم ھەڵبوەشێننەوە.
٢- لیژنەی بالای گفتوگۆ بۆ گەیاندنی ھەنگاوەکانی داھاتوومان بۆ گەیشتن بە داھاتووەکی گەش. لیژنەکە پێک دێت لە ئەندامی ئەو دەزگایانەی خوارەوە :
— پەرلەمانی کوردستان . — سەرۆکایەتی ھەرێم . — حکومەتی ھەرێم . — ئەنجومەنی دادوەری . — نوێنەری عەرەبەکانی کوردستان کە ئەندامیان لە پەرلەمانی کوردستان نیە.
٣- پێویستە گۆڕان و کۆمەڵ و بەرەی تورکمان بەشدار بن لە لیژنەی خالی ( ٢ ) سەرەوە چونکە لە لیژنەی بالای ریفراندۆم بەشدار نەبوون.
دووەم: یەک گوتاری و یەک بڕیاری کوردستانی:
١- ئاشتبوونەوەی لایەنەسیاسیەکانی کوردستانی.
٢- پەرلەمانی کوردستان شوێنی بڕیاری کۆتایی بێت، بۆ ھەر بڕیارێکی پەیوەندیدار بە چارەنوسی گەلی کوردستان .
سێیەم: ئەرکی ئەندامانی کورد لە دەولەتی فیدرالی عێراق:
١- ئەندامانی کورد لە دامودەزگاکانی دەولەتی عێراق بگەڕێنەوە سەر کارەکانیان بەتایبەتی ئەندام پەرلەمانەکان، بۆمەبەستی دروست کردنی ژینگەی دانوساندن لە گەل دەولەتی فیدرالی عێراق.
٢- پێویست بوو رۆژی دوای ریفراندوم ئەندامانی پەرلەمانی عێراق وەک نوێنەری گەلی کوردستانیان لە دانیشتنی پەرلەمان بە ووتارێک لێکەوتەی ریفراندۆمان بگەیاندبایە پەرلەمانی دەولەتی فیدرالی عێراق.
چوارەم: ئاشتکردنەوەی میللەت :
١- ژیان و گوزەرانی خەلک باشتر بکەن، لە نێویاندا ھێزی پێشمەرگە .
٢- ئاشتکردنەوەی دەنگدەری ریفراندۆم بە “بەڵێ و نەخێر و سپی و بەشدار نەکردوو”.
٣- زیاتر بەرچاوی میللەت روون بێت لە داھاتوویدا
پێنجەم: ڕاگەیاندنەکان و یەکدەنگی:
١- دەسەڵاتداران بەیەک دووری و یەک چاو، بەیەک سۆز سەیری کۆی دەزگاکانی ڕاگەیاندن بکرێ نەوەک یەکێک دۆست و یەکێکی تر نەیار.
٢- ڕاگەیاندکاران لە ئیستادا زیاتر رەچاوی باری دەروونی خەلکی کوردستان بکەن، ئەو ھێرش و رێوشوێنانەی نەیارو دوژمنانی کورد لەبەرامبەر خەڵکی کوردستان دەیگرنەبەر و کاریگەری لەسەر باری دەرونی دروستدەکات ھەندێک دەستیان سوک بکەن.
٣- ڕاگەیاندنەکان بەیەکەوە دابنیشن بۆ دۆزینەوەی میکانیزمی تێپەڕاندنی ئەو دۆخە ئالۆزە لە بەرژەوەندی گەلی کوردستان .

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.