ئێستا ئه‌زانن كه‌ وڵاتانی پێشكه‌وتو په‌رله‌مان هێنده‌ گرنگه‌؟ 

لەلایەن ستاندار Posted on 455 جار بینراوە

 سەرکەوت شەمسەدین

– ئه‌م ده‌زگایه‌ به‌ بێ ئه‌وه‌ی چه‌كداری هه‌بێت و پاره‌ی هه‌بێت ئه‌توانێت حكومه‌ت دروست بكات و بیرۆخێنێت
– وڵاتانی پێشكه‌وتو هه‌میشه‌ خاوه‌نی په‌رله‌مانێكی به‌هێزن كه‌ لێپرسینه‌وه‌ ده‌كات، رێگری له‌ بریاری تاكه‌ كه‌س ئه‌كات، پلانی داهاتو بۆ خه‌ڵك شیده‌كاته‌وه‌.

– ئێستا ئه‌گه‌ر له‌ بری ئه‌نجومه‌نی ریفراندۆم و دیوه‌خانی خێل ئاسا، پرسی كه‌ركوك و ریفراندۆم و ئاینده‌ی په‌یوه‌ندیه‌كان له‌گه‌ڵ عێراق و نامه‌كه‌ی تیڵه‌رسن له‌ خه‌ڵك نه‌شاردرایه‌وته‌وه‌ و له‌ په‌رله‌مان به‌ ئاشكرا تاوتوێ بكرایه‌ ده‌گه‌شتینه‌ ئه‌م رۆژه‌؟
سه‌یركه‌ن به‌ بێ په‌رله‌مان چیان كرد و ئه‌نجامی چی بوو.
– فرۆشتنی نه‌وت به‌ سه‌ربه‌خۆیی
– كه‌مكردنه‌وه‌ و برینی موچه‌
– ریفراندۆم كرا و سریش كرا به‌ بێ په‌رله‌مان
– بریاری شه‌ر له‌ كه‌ركوك درا به‌ بێ په‌رله‌مان
– بریاری پاشه‌كشه‌ له‌سه‌رجه‌م ناوچه‌ جێناكۆكه‌كان درا به‌ بێ په‌رله‌مان
– خاڵه‌ سنورییه‌كان ته‌سلیمكران به‌بێ په‌رله‌مان
– فرۆكه‌خانه‌كانیش ته‌سلیم ئه‌كرێن به‌ بێ په‌رله‌مان
ئێستاش ئه‌گه‌ر دانوستان له‌گه‌ڵ به‌غداد بدرێته‌ ده‌ست دوو كه‌س و ژماره‌یه‌ك مه‌كته‌ب سیاسی كه‌ كه‌س هه‌ڵنه‌بژاردون شكستی زیاتر تۆمار ئه‌كه‌ن و وڵات زیاتر به‌ره‌و شكست ئه‌به‌ن.
له‌ دونیادا په‌رله‌مان نه‌ بۆمبی ئه‌تۆمی دروست ئه‌كات و نه‌ داهێنان و نه‌ پاره‌شه‌ په‌یدا ئه‌كات، به‌ڵكو ئیشی په‌رله‌مان رێگریكریدنه‌ له‌ حوكمی تاكه‌كه‌ كه‌س، و ئاشناكردنی خه‌ڵكه‌ به‌ هه‌ر هه‌نگاوێكی داهاتو. تا دامه‌زراوه‌ی په‌رله‌مان له‌ بریاره‌ گرنگه‌كان په‌راوێز بخرێت چاوه‌روانی هیچ شتێكی تر مه‌بن جگه‌ له‌ شكست.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.