ستاندەر
بڕیارە لەماوەی سێ رۆژی داھاتوو دوو وەفدی پارتی سەردانی بزوتنەوەی گۆڕان بکات بۆ چارەسەری کێشەکەن.
وەفدی یەکەم کە وەفدێکی حیزبیە بەیانی پێنج شەممە بە سەرپەرشتی فازل میرانی سەردانی بزوتنەوەی گۆڕان دەکات، ھەروەھا وەفدی دووەم وەفدی حکومی دەبێت رۆژی شەممە بە سەرۆکایەتی نێچیرڤان بارزانی دەبێت.
بەگوێرەی زانیاری ستاندەر چونی ئەو وەفدانەیە بۆ گفتوگۆکردن لەسەر پرسی ھەڵوەشاندنەوەی حکومەت یاخود دەستکاریکردن و تەعدیلکردنی کە بۆچونی پارتی لەگەل تەعدیلکردنە بەڵام بزوتنەوەی گۆڕان جەخت لەسەر ھەڵوەشاندنەوە دەکات.
ھەروەھا بەشێکی تری دانیشتنەکان تایبەت دەبێت بە پرسی چارەسەرکرنی ژمارەی پێشمەرگە و رێکخستنەوەی و ھەروەھا بابەتی ھەڵبژاردنەکان.