ستاندەر
ڕۆژنامەیەکی یۆنانی بڵاویکردوەوە، پۆلیسی ئەو وڵاتە لە ھەڵمەتێکدا ٩ ئەندامی “بەرەی ڕزگاریخوازی گەلی شۆڕشگێڕی” دەستگیرکردووە، پلانیان داڕشتووە بۆ تیرۆرکردنی ئەردۆغان لە ڕێگەی موشەکی کاتیۆشا و نارنجۆکی دەستی و بۆمبی مۆلۆتۆفە، لە کاتی سەردانەکەی ئەم دواییەی بۆ یۆنان.
ڕۆژنامەی “توفیما” ڕوونیکردووەتەوە، پلانەکە وا بووە کە لە ژێر ناوی دووپشک و لە ڕێگەی موشەکی کاتۆیۆشاوە لە دوو لاوە، کاروانی ئوتۆمبێلەکانی ئەردۆغان بکرێنە ئامانج و دواتر گروپێکی تر لە دواوە ھێرش بکەنە سەر ئوتۆمبێلە تایبەتەکەی ئەردۆغان.
جێ ی باسە تاکو ئێستا پۆلیس شوێنی موشەکەکانی بۆ نەدۆزراوەتەوە، ئەو بزوتنەوەیە بزوتنەوەیەکی چەپە و لەناوخۆی تورکیا و ئەوروپا پێشتر چالاکی تیرۆرکردن و کردنە ئامانجی سەرکردە سیاسیەکانیان ئەنجامداوە.
