ستانده‌ر
بەپێ زانیاریەکان کە لە سەرچاوەیەکی نزیک لە سه‌ڵاحه‌دین به‌ھادین ئەمینداری گشتی یەکگرتوی ئیسلامی دەست ستاندەر کەوتووە یەکگرتوی ئیسلامی دوای کۆتایھاتنی ئەو بیست ڕۆژەی کە وەک مۆڵەت بەحکومەتی دابوو بۆ ئەنجامدانی چاکسازی ڕاستەقینە ناکشێتەوە.
ھەر بەپێی زانیاریەکان یەکگرتوو پێیوایە کە تازە ناتوانرێ حکومەت ھەڵبوەشێتەوە و دوبارە تشکیل بکرێتەوە ، چونکە کات کەمی ماوە.
ھەروەھا پێی وایە ، کە ھەریەک لەگۆڕان و کۆمەڵیش ھیچ قازانجێکی ئەوتۆیان نەکردووە بە کشانەوەیان لە حکومەت، بۆیە ئەوان ئەو چەند مانگەش لە حکومەت دەمێننەوە.
جێگای باسە پانزەی مانگ ئەو وادەیە کۆتایدێت کە یەکگرتوی ئیسلامی وەکو دوا مۆڵەت داویەتی بە حکومەت بەمەبەستی ئەنجامدانی چاکسازی ڕاستەقینە.