ستانده‌ر
بەپێی ھەواڵێک کە له المعلومة بڵاوكراوه‌ته‌وه دوا وەفدی کورد بۆ بەغدا کە پێکھاتبوو لە سەرۆکی حکومەت و جێگرەکەی و سەرۆکی دیوانی سەرۆکایەتی ھەرێم، زۆر بەی سیادەی ھەرێمی کوردستانیان دۆڕاندووە ڕازیشبوونە بە ڕێژەی ۱۲% ی پشکی ھەرێم لەبودجەی ۲۰۱٨ کە پێشتر حزبە کوردستانیەکان ناڕەزایەتیان بەرامبەر دەربڕیوەو جەختیان دەکردەوە کە نابێت دەسکاری ۱۷% ی بەشەبودجەی ھەرێم بکرێت.
دەنگوباسی ئەوەش ھەیە کە دوێنێ سێشەممە ئاڵای کوردستان لە فڕۆکەخانەکانی ھەرێم داگرابێت و ئاڵای عێراق لەشوێنی بەرزکرابێتەوە.
بەپێی زانیاریەکان وەفدەکەی ھەرێم ڕازیشبووە لەسەر ئەوەی کە ھێزی عێراقی لەسەرتاسەری ھەرێم بڵاوەی پێبکرێت.