ستاندەر
بەگوێرەی رەشنوسی بودجەی بەرگری ئەمریکا بۆ ساڵی ٢٠١٩ کە ئاراستەی کۆنگرێس کراوە، پێشنیار کراوە بە بڕی ٣٠٠ ملیۆن دۆلار ھێزە ھاوپەیمانەکانی ئەمریکا پڕ چەک بکرێن کە ھێزەکانی سوریای دیموکرات و یەپەگە دەگرێتەوە.
پنتاگۆن داوای کردووە شەرڤانە کوردەکان کە ژمارەیان لە نێوان ٦٠ بۆ ٦٥ ھەزار کەسە و پێکھێنەری ھێزەکانی یەپەگە و سوریای دیموکراتن لە رووی پێویستی سەربازی و پێویستیەکانی تر پاڵپشتی تەواو بکرێن.
ئەوە لەکاتێکدایە پێشتر سەرۆکی ئەمریکا رایگەیاند ھێزەکانیان لە سوریا دەکشێننەوە، بەڵام چاودێران پێیان وایە بۆ ئەو قۆناغە ئەگەرێکی لاوازە ئەمریکا بکشێتەوە و، تەرخانکردنی پارەش لە بەرگری ئەمریکا بۆ پاڵپشتی شەرڤانان لە سوریا دەریدەخات ئەمریکا ستراتیژیەتی مانەوەی لە سوریا درێژ دەکاتەوە و، پاڵپشتی کوردانی ئەوێ دەکات.
وردەکاری پڕچەککردنی ھێزەکانی یەپەگە لەلایەن ئەمریکاوە
