ستاندەر
بڕیاری بەشدارینەکردنی عەبدوللا گویل سەرۆک کۆماری پێشووی تورکیا لە ھەڵبژاردنەکانی سەرۆکایەتی کۆمار بوە مایەی شۆکی چاودێرانی سیاسی تورکیا بەو پێیەی پێشتر زانیاریەکان ئاماژەیان بۆ ئەوە دەکرد ناوبراو ئامادەیی تەواوی دەربریوە بۆ ئەوەی بۆ کێبرکێی ئەردۆغان خۆی بپاڵێوێت.
کەناڵی سکای نیوز عەرەبی لەبارەی ھۆکاری پاشگەزبونەوەی ئەردۆغان ڕایگەیاندوە ئەردۆغان وتەبێژی کۆشکی کۆماری ئیبراھیم کالن-ی راسپاردوە بۆ پاشگەزکردنەوەی گویل، سەرچاوەکە راشی گەیاندووە پێنج شەممەی رابردوو کالن لەگەڵ سەرۆکی ئەرکانی سوپای تورکیا خلوێی ئاکار سەردانی عەبدوڵا گویل دەکەن کە ئەوەی دووەم ھاوڕێی خوێندنی گویل بووە.
بەگویرەی ھەوالەکەی سکای نیوز ئاکار پێی پێی گوتوە وەک ھاوڕێیەک داوات لیدەکەم نەچیتە کێبرکێی ھاوڕێیە کۆنەکەت مەبەستی ئەردۆغان بووە.
بەو شێویە گویل داواکاریەکەیان قبوڵدەکات و رۆژی شەممەی رابردوو بە میدیاکانی راگەیاند ھیچ نیەتێکی نیە بۆ خۆپاڵاوتن بۆ سەرۆکایەتی تورکیا.
